“Një urim për akademikun dhe shkrimtarin e shquar Fatos Kongoli në ditën e Tij të lindjes! Gëzuar!” Me këtë urim i është drejtuar Akademia e Shkencave e Shqipërisë, shkrimtarit të njohur shqiptar fatos Kongolit, urim të cilin e ka postuar në Facebook
Fatos Kongoli tanimë është 76 vjeç. Ai u lind më 12 janar 1944 në Elbasan. PërveԷse shkrimtar ai është dhe matematikan.
Kongoli ka studiuar për matematikë, pjesërisht në Pekin, pjesërisht në Tiranë, ku është diplomuar në vitin 1967. Ka punuar për një kohë të gjatë si gazetar letrar dhe redaktor në Shtëpinë Botuese “Naim Frashëri”. Është autor i një vargu librash.
Librat e Kongolit janë botuar në disa vende të botës. Është fitues i çmimit ndërkombëtar “Balkanika”. Është fitues, gjithashtu, i çmimit më të lartë letrar në Shqipëri “Penda e Artë” (2004).
Shoqata e Botuesve Shqiptarë e ka vlerësuar me çmimin “Shkrimtari i vitit” për vitin 2006, ndërsa romani “Lëkura e qenit”, përkthyer në gjermanisht, u shpall libri i muajit qershor 2006 në Gjermani.
Ne vitin 2016 është shpallur “Shkrimtari më i mirë i vitit”, nga Fondacioni Kulturor “Harpa” ne Fier.
