Paketa Anti-shpifje ka futur në një spirale përplasjeje kreun e shtetit Ilir Meta dhe mazhorancën.
Pas qëndrimit të Taulant Ballës ndaj mosdrektimit të këtij ligji nga presidenti, ka reaguar edhe ky i fundit.
Meta tha se tani është kohë për të reflektuar nga mazhoranca pasi liria e shprehjes dhe e medias po vendoset në rrezik.
“Liria e shprehjes, liria e medias dhe e drejta e informimit, përveç se janë të drejta themelore kushtetuese, janë të lidhura ngushtë me parimin e ndërtimit dhe funksionimit të një shteti demokratik.
Shqipëria dy vitet e fundit ka një përkeqësim të këtyre treguesve, sipas konkluzioneve të organizatave prestigjioze ndërkombëtare të gazetarëve, si dhe të institucioneve ndërkombëtare që monitorojnë respektimin e lirisë së medias.
Ndaj është koha për të reflektuar dhe për të mos ecur me kokëfortësi në rrugën e censurës dhe autoritarizmit, që do të përbënte rrezik për të ardhmen europiane të Shqipërisë.
Edhe njëherë, i ftoj të gjithë të lexojnë me vëmendje argumentat kushtetuese dhe ligjore të kthimit për rishqyrtim në Kuvend të paketës së ashtuquajtur “anti-shpifje”.- shkruan Meta në Facebookun-n e tij.
