Mbrojtësi i Barcelonës, Jean-Clair Tobido ka kaluar tashmë të klubi gjerman i Schalke. Ndonëse prej shumë kohësh ai u kërkua me ngulm nga italianët e Milan, 20-vjeçari zgjodhi të kalojë në Bundesligë.
Lojtari ende në pronësi të katalanasve ka kaluar në Gjermani me anë të një huazimi deri në fund të sezonit.
Ky huazim i francezit u bë sepse qendërmbrojtësi nuk po arrinte të gjente hapësirat e nevojshme te klubi i Barcelonës. Kudo nëpër media u fol për kalimin e tij në Serinë A, por nga një foto e postuar së fundmi shikohet se lojtari ka zgjedhur kampionatin gjerman përpara atij italian.
Ai u aktivizua gjithsej në vetëm 3 ndeshje me Barcelonën dhe këto mes La Ligës dhe Ligës së Kampionëve. Tobido gjendet në Gjermani ku është duke zhvilluar vizitat mjekësore dhe më pas do të firmosë me Schalke 04./Fjala.al/
