Pranimi nga ana e Iranit se rrëzuan gabimisht aeroplanin me pasagjerë ukrainas, nxiti protestat për gjatë gjithë javës. Megjithëse protestat ishin të vogla të hënën dhe u shtuan në ditët në vazhdim, shtrojnë pyetjen nëse ky do të jetë fundi i regjimit aktual.
Pas disa ditësh mohimesh, zyrtarët Iranian e pranuan se mëngjesin e të shtunës ushtria e saj shkaktoi rrëzimin e avionit ndërkombëtar Ukrainës, duke vrarë të 176 personat që ndodheshin në bord, ku një pjesë e tyre ishin me shtetësi iraniane.
Ministri I Jashtëm Iranian Javad Zarif, shfajësoi “gabimin njerëzor” duke thënë se erdhi si pasojë e “aventurave amerikane”. Irani njoftoi se disa persona janë arrestuar dhe Presidenti Hassan Rouhani tha se ata që janë përgjegjës do të ndëshkohen.
Pranimi i Teheranit duket se ka ndezur sërish ndjenjën antiqeveritare që ndodhi edhe vitin e kaluar. Ndërsa turmat u mblodhën në kryeqytet për të përkujtuar viktimat dhe ndezur qirinj, protestuesit i kërkuan Udhëheqësit të Lartë Ayatollah Ali Khamen të tërhiqet dhe ata që janë përgjegjës për rrëzimin e avionit të ndiqen penalisht.
Thirrjet e njohura “Vdekje për Amerikën” u zëvendësuan me “Vdekje të diktatorit” dhe “Vdekje gënjeshtarit”. Në një video që qarkulloi ‘online’ ku duken demonstruesit teksa thërrisnin “Khamen të të vij turp. Largohu nga vendi.”.
Situata aktuale në vend mund të quhet edhe “Chernobyl” i Iranit, pasi ka një përngjashmëri të frikshme me mënyrën që solli katastrofën bërthamore të vitit 1986 në Ukrainën Sovjetike, e cila “ekspozoi të gjithë paaftësinë, mashtrimin e shtetit dhe kalbjen e regjimit”, krahasim ky sipas “Iran Wire”, një sit kushtuar Iranit nga gazetarët në diasporë.
Burimi: CNN/ Përshtati: Fjala.al
