Quique Setien ka marrë një sërë pyetjesh në konferencën e parë të zhvilluar pas emërimit në krye të stolit të Barcelonës.
Ai do të zëvendësojë në këtë pozicion, Ernesto Valverden, i cili u shkarkua pas humbjes së ndeshjes gjysmëfinale të Superkupës së Spanjës Barcelonës me Atleco Madrid.
Spanjolli u përballë me një sërë pyetjesh nga gazetarët e ndër to ishte dhe ajo se si ndihet që do ketë në urdhrat e tij yllin argjentinas, Lionel Messin.
“Jo vetëm atë (Messin), unë e kam shijuar lojën e Barcelonës për 12-13 vitet e fundit. U kam thënë edhe disa lojtarëve aty, Messi është një lojtar special, unik, mirëpo e kam shijuar futbollin e tyre në këto vite”,-iu përgjigj Setien gazetarit.
Ardhja e tij në krye të skuadrës katalanase bën që shumë tifozë të shpresojnë në ndryshim të situatës ku sipas tyre e futi Valverde.
Vetë Setien u shpreh gjatë këtij komunikimi me gazetarët se shpreson që të fitojë shumë trofe me Barçën, gjersa ka nënshkruar kontratë deri në qershor të vitit 2022./Fjala.al/
