Rezultatet e dobëta dhe humbjet i disa ndeshjeve të rëndësishme të Barcelonës bënë që katalanasit të shkarkonin nga detyra trajnerin Ernesto Valverde.
Duket se këto rezultate nuk kanë ndikuar aspak te të ardhurat e klubit katalanas, i cili renditet në vend të parë për shifrën e arritur në vitin 2019.
Agjencia e përllogaritjes të të ardhurave të çdo klubi në botë “Deloitte Money Football League” ka bërë publike se Barcelona ka arkëtuar 840.8 milionë euro fitime, duke i regjistruar si klubi me të ardhurat më të shëndetshme në planet.
Kampionët në fuqi të Spanjës ndiqen nga Real Madrid, rivalët e tyre të përjetshëm me një shifër prej 757.3 milionë euro.
Ndërsa, Manchester United, ndonëse ka pasur dështime të konsiderueshme ka arkëtuar shifrën prej 711.5 milionë euro.
Pavarësisht arkëtimeve të konsiderueshme, duket se humbja ndaj Atletico Madrid në gjysmëfinalen e Superkupës së Spanjës i kushtoi shumë teknikut Ernesto Valverde./Fjala.al/
