Klubi i Barcelonës shkarkoi Ernesto Valverden nga stoli i skuadrës dhe në pozicionin e tij vendosi spanjollin tjetër Quique Setien.
Menjëherë, pas prezantimit të tij te Barça, në një konferencë për mediet u bë e ditur se kontrata e katalanasve me Setien-in është nënshkruar të zgjasë deri në vitin 2022.
Megjithatë në këtë kontratë qëndron një faktor i dyshimtë, pasi zgjedhjet presidenciale të klubit të katalanasve janë në vitin 2021, ndërsa marrëveshja e tyre me Quique-n parashikohet të mbarojë një vit më pas.
Pavarësisht kësaj, drejtuesi aktual i presidencës së Barçës, Josep Maria Bartomeu vendosi si klauzolë në këtë kontratë se vazhdimësia e 61-vjeçarit të katalanasit pas zgjedhjeve do të vendoset nga presidenti i ri i klubit.
Kjo gjë shton si mundësi për kandidatët e rinj në zgjedhjet presidenciale përfshirjen në premtime të emrit të ndonjë trajneri të ri./Fjala.al/
