Turqia të martën ka dhuruar për Policinë Shqiptare mjete të blinduara dhe pajisje që do të përdoren nga ekipet e ndërhyrjes së shpejtë.
Pajisjet janë dhuruar ditën e djeshme në një ceremoni, në zyrat e Ndërhyrjes së Shpejtë, në Tiranë. Mehmet Ersoy, zëvendësministri i brendshëm i Turqisë , tha se Turqia e konsideron këtë veprim si një ndarje me vëllezërit e saj.
“Ne nuk e shohim këtë dhurim si një grant. Ne e shohim si një detyrim që duhet të ndajmë me vëllezërit tanë. Nëse ne jemi të sigurt, ju jeni të sigurt. Nëse ju jeni të sigurt, ne jemi të sigurt!”, tha Ersoy.
Drejtori i Përgjithshëm i Policisë Shqiptare, Ardi Veliu pas pranimit të pajisjeve, tha: “Unë shpreh mirënjohjen ndaj Turqisë për ndihmën e tyre në përmirësimin e kapacitetit logjistik të policisë shqiptare.
Gjashtë automjete të blinduara dhe 10 automjete Land Rover janë një ndihmë shumë e rëndësishme për ne. Gjithashtu ka edhe rroba, helmeta, mburoja e një seri llojesh të tjera të pajisjeve për të lehtësuar forcat tona speciale “.
Përveç automjeteve, Turqia dhuroi edhe maska me gaz, jelekë anti-plumb dhe pajisje të tjera që do të përdoren veçanërisht nga ekipet e ndërhyrjes të shpejtë./Fjala.al
