Rreth 44% e qytetarëve evropianë thonë se kanë limituar aktivitetin në internet gjatë vitit 2019, për shkak të shqetësimeve lidhur me sigurimin e tyre. Të dhënat janë pjesë e raportit më të fundit të Eurostat, ku thuhet se 5% e evropianëve, në grupmoshën 16-74 vjeç kanë limituar këtë lloj aktiviteti. Nga ana tjetër, Eurostat tregon se 19% e qytetarëve evropianë kanë limituar ose ndërprerë përdorimin e WiFi publik dhe 17% shkarkimin e aplikacioneve të ndryshme, këngëve, lojërave, etj.
Pasiguritë e ngarkimit të të dhënave personale kanë rënë edhe mbi blerjet online. 16% e evropianëve kanë reduktuar apo ndërprerë blerjet online, e së fundmi 13% e tyre kanë përdorur më pak internet banking. Hallka më pak e prekur në 2019 ka qenë ajo e komunikimit me shërbimet publike apo administratat, e cila është reduktuar nga 8% e evropianëve.
Një tjetër shqetësim në 2019 ka qenë edhe ai i mesazheve “peshkuese”. Sipas Eurostat, 26% e popullsisë janë shprehur se kanë marrë mesazhe “phishing”, të cilat janë mesazhe që nëpërmjet një kontenti joshës, arrijnë të të vjedhin të dhënat personale.
