Analisti Lorenc Vangjeli ka zbuluar një detaj interesant rreth fjalimeve të deputetëve. Ai ka pranuar publikisht se rekordi i tij personal është kur ka arritur të shkruajë 14 fjalime për deputetët në Parlament, si për ata të majtë dhe të djathtë.
“Ishin dy gjëra që më detyruan mua ta bëja një gjë të tillë. Ishin miq, kisha dëshirë t’i ndihmoja dhe dëshira për t’u tallur. Në atë Parlament, doktori deklaron në atë seancë “ai që u bën fjalime ditën dhe ju tall klubeve natën”. Që atë herë refuzova dhe fillova të distancohem se e mori vesh Doktori. Doktori thotë që një faqe bën 100 euro”, tregoi analisti Vangjeli në emisionin “Opinion” ku u diskutua për “analfabetët që janë bërë deputetë me 1 apo 2 milion euro”. /Fjala.al
