Ditën e martë Superliga shqiptare do të ngrejë tiparin për këtë fazë të sezonit 2019-2020. Një nga përballjet më të veçanta të javës se 18-të është ajo midis Skënderbeut dhe Partizanit, ndeshje e cila nëse do të luhej përpara më shumë se një viti do të cilësohej si supersfida e javës.
Kryeqytetasit do të udhëtojnë drejt qytetit të Korçës, ku do të përballen me skuadrën e këtij qyteti në orën 17:00.
Kjo ndeshje është shumë e rëndësishme për “Demat e kuq” pasi fitorja e saj do ndikonte në ngritjen e kampionëve aktual të Kategorisë Superiore, pasi deri më tani nuk ka qenë në nivel shumë të pëlqyeshëm.
Ndërkohë, faqja zyrtare e klubit të Skënderbeut ka bërë me dije se në treg kanë dalë biletat e kësaj sfide, ku theksohet se më e lira kushton 200 lekë të rinj, ndërsa më e shtrenjta 1000 lekë.
Ja qendrat ku mund t’i blini biletat për këtë ndeshje:/Fjala.al/
