Seria A do të ngrejë ditën e nesërme tiparin për javën e 20-të, ndeshjet e së cilës do të zhvillohen në tre ditë, në datat 18, 19 dhe 20 janar.
Napoli do të presë Fiorentinën në orën 20:45 ditën e nesërme, duke ardhur në këtë sfidë pas humbjes 1-0 me skuadrën e Lacios.
Momentalisht skuadra ku luan shqiptari Elseid Hysaj ndodhet në vend të 11-të të kategorisë më të madhe të futbollit në Itali, duke synuar për një ngritje në pozicionet mbi 10 të saj.
Në një konferencë për shtyp ditën e sotme trajneri i “Axurrëve”, Gattusoka folur për një sërë çështje përfshirë edhe mbrojtësin shqiptar, ku ka theksuar se shkodrani di ta bëjë shumë mirë pjesën e tij.
“Në këto moment Hysaj po e bën rolin e tij mjaft mirë dhe është gjithmonë gati. Prej shtatë vitesh ka luajtur me një mbrojtje me 4 dhe po bën shumë mirë. Pak veta dinë ta interpretojnë rolin si ai në skuadër”,-tha Gattuso.
Ndërkohë, rikujtojmë se Hysaj kohët e fundit nuk ka qenë në pozita shumë të mira, madje para disa ditësh u diskutua për largimin e tij, por prania e Gattusos duket se ka ndikim pozitiv në rolin e shqiptarit te Napoli, pasi i ka kthyer rëndësinë e dikurshme dhe vendosi që të mos lejojë largimin e tij./Fjala.al/
