Mëngjesin e kësaj të premteje është gjetur trupi i një të riu në kanalin në qendër të Kalcios Itali. Bëhet fjalë për 20-vjeçarin, Erion Morina nga Kosova i cili banonte në atë qytet prej kohësh.
Trupi i tij u gjet nga një kalimtar i cili njoftoi menjëherë policinë. Pas hetimeve rezultoi që i riu ishte goditur brutalisht dhe ishte hedhur në kanal. Gjurmët e gjakut të gjetura afër trupit të pajetë të çonin në një bar në rrugën Papa Giovanni ku dhe mendohet se do të ketë ndodhur vrasja.
Dyshohet se Morina ka debatuar me një shqiptar tjetër në një bar rreth orës 01:30 të mbrëmjes. Konflikti ka vazhduar dhe jashtë barit ku i riu ka marrë goditjet. Më pas trupi i tij është tërhequr pesëdhjetë metra dhe është hedhur në kanal. Ndërkohë autopsia do të përcaktojë nëse vdekja e 20-vjeçarit ka ardhur nga goditjet e shkaktuara apo nga hedhja në kanal./Fjala.al
