17 janari i vitit 1468, do të shënonte vdekjen e heroit tonë kombëtar, Gjergj Kastriot Skënderbeu .
Kjo ka ndodhur në Lezhë, 552 vjet më parë.
Ndërsa sot, në nderim të kësaj figure të rëndësishme zhvilluan homazhe dhe u vendosën kurora me lule pranë vend varrimit të tij. Në aktivitet morën pjesë drejtues lokal, përfaqësues të institucioneve, komuniteteve fetare, qytetarë dhe nxënës shkollash.
Kryebashkiaku i Lezhës, Pjerin Ndreu, tha se figura e Gjergj Kastriotit e bën krenar gjithë popullin Shqiptar.
Aktiviteti në nderim të 552-vjetorit të vdekjes së Skënderbeut u mbyll më këngë, recitime dhe pjesë muzikore patriotike të cilët u përcollën me mjeshtëri nga artistët e pranishëm.
Gjergj Kastrioti lindi në vitin 1403. I përkiste familjes mbretërore të Kastriotëve. I ati ishte Gjon Kastrioti, udhëheqës i qyteteve më të mëdha të asaj kohe, Krujës dhe Mirditës. Nëna quhej Vojsava.
Gjergj Kastriot Skënderbeu vdiq në moshën 63-vjeçare. Ai konsiderohet nga shumë vende të Evropës Perëndimore si heroi që pengoi Perandorinë otomane të pushtonte Perëndimin e Evropës.
Vdekja e Skënderbeut nënkuptoi fundin e pavarësisë së Shqipërisë, që vetëm falë tij arriti të shfaqej si një shtet i bashkuar dhe i pavarur.
Figura e Gjergj Kastriotit – Skënderbeut dhe lufta nën udhëheqjen e tij kundër pushtuesve osmanë ndikoi fuqishëm në jetën shpirtërore të shqiptarëve.
