Kadastra publikon listën me 618 personave që kanë ndërtuar shtëpi pa leje dhe tani kanë gati tapinë. Përfituesit janë në të gjithë vendin. Këshilli i Ministrave ka miratuar vendimin për kalimin e të drejtës së pronësisë në favor të subjekteve përfituese, për 618 parcela ndërtimore të objekteve të legalizuara dhe kompensimin financiar të pronarëve të pasurive të paluajtshme që preken prej tyre. Sipërfaqja e përgjithshme që kompensohet është 26 mijë e 416 metra katrorë dhe vlera e kompensimit financiar është 229 milion e 260 mijë lekë. Përfituesit janë në Tiranë, Durrës, Elbasan, Shkodër, Gjirokastër, Vlorë, Kukës, Fier, e Korçë.
Për kompensimin e pronarëve përdoren po ato të ardhura që arkëtohen nga drejtoritë vendore të Agjencisë Shtetërore të Kadastrës, si rrjedhojë e kalimit të pronësisë nëpërmjet shitjes së parcelës ndërtimore, si për pasuritë shtetërore, edhe për pasuritë e të tretëve, në favor të objekteve informale që legalizohen.
