Iu dha lamtumira e fundit aktorit të mirënjohur shqiptar Xhevdet Ferri. Familjarë miq dhe dashamirës përcollën në banesën e fundit ikonën e kinematografisë shqiptare.
Aktori u nda nga jeta në moshën 59-vjeçare pasi kishte rreth dy vite që luftonte me një sëmundje të rëndë.
Xhevdet Ferri lindi në Durrës, më 26 nëntor 1960. Ai ishte bashkëshort i aktores Rozeta Ferri me të cilën ka luajtur në shumë filma si Dhe vjen një ditë, Vitet e pritjes,Gjoleka djali i Abazit,etj. Filmi i tij i parë ka qen kur ai ishte akoma një student.
Në 1982 diplomohet në Akademinë e Arteve dega e dramës dhe më pas mbetet pedagog i mjeshtërisë se aktorit në këtë Akademi. Vazhdon karrierën akademike deri në detyrën si Dekan i Fakultetit të Artit Dramatik pranë kësaj Akademive. Ka interpretuar në rreth 30 role në kinematografi e teatër. Në teatër ka interpretuar pak role, por suksesin me te madh si aktor ai e ka arritur ne filmin artistik (rreth 13 role).
Pothuajse në të gjitha filmat ka qenë në rolin e protagonistit debuton në vitin 1980 ne “Skëterre ’43” si Arjani dhe po atë vit ne “Vëllezër dhe shoke” duke rene ne sy për rolin e Markos.
5 vjet me vone ne vitin 1985 do te behet i njohur me interpretimin e rolit te Agronit ne filmin e dyte te tij “Hije qe mbeten pas”. Ne mishërimin qe i beri figurës se Gorit ne filmin tjetër “Dhe vjen një ditë”, me te cilin u nderua me medaljonin e festivalit me 1986, bie ne sy cilësi te tjera interpretuese si natyrshmëria, qetësia dhe thjeshtësia shoqëruar nga karakteri drejtpërdrejtë i të vepruarit. U dallua për një individualitet të veçantë aktoresk.
Role te tjera te spikatura për aktorin Xhevdet Ferri janë edhe Pali ne “Besa e kuqe” (1982); Sandri ne “Vendimi” (1984); trimi ne “Përralle nga e kaluara” (1987); Martini ne “Treni niset ne 7 pa pese” (1988); Gjon Kadri ne “Vitet e pritjes” (1990); me rolin e Sakos, ne filmin “Dasma e Sakos” (1998), Xhevdet Ferri arrin sërish në një pikë të lartë artistike të interpretimit.
Nga vitet 1995-1999 ishte drejtor i Qendrës Kombëtare te Kinematografisë, duke e marre sërish këtë post ne vitin 2006. Ndërsa ne vitet 1999-2001 ishte drejtor i Teatrit Kombëtar. Është specializuar në fushën e “Menaxhimit të Institucioneve Artistike” në Amsterdam e Oxford.
Në periudhën kohore 1996 – 1998 ishte deputet i PD-se në Kuvendin popullor. Ne vitin 2004 është bashkëthemelues i Shoqatës së Kineastëve Shqiptarë duke qenë edhe kryetari i pare i kësaj shoqate./Fjala.al
