Polica në Qafë Botë ka sekuestruar 63.7 kg kanabis në një makinë tip “Mitsubishi”. Në prangat e policisë ka rënë drejtuesi i makinës me inicialet A.H. 40 vjeç, lindur në fshatin Cakran, Fier dhe banues në Sarandë.
Nga të dhënat e policisë mësohet se pas kontrollit të imtësishëm me ndihmën edhe të qenit antidrogë, në automjetin në fjalë është konstatuar se në pjesën e poshtme të dyshemesë ishte hapur një vend i posaçëm për fshehjen e lëndës narkotike. I akuzuari pritet të dalë para drejtësisë më akuzën e trafikimit të lëndëve narkotike. /Fjala.al
