Në 14- vjetorin e vdekjes, Presidenti Ilir Meta ka takuar familjen e Ibrahim Rugovës
Meta kreu homazhet në varrin e Rugovës, e më pas takoi në Prishtinë edhe familjen e ish- Presidentit të Kosovës.
Me anë të një statusi në FB, ai shprehu kënaqësinë që takoi familjen e Presidentit historik të Kosovës, i cili u angazhua për Kosovën Republikë, me orientim të qartë perëndimor, në paqe, të lirë dhe për bashkëpunim në rajon.
“Përherë kënaqësi të takoj në Prishtinë familjen e dashur dhe të respektuar të Presidentit historik të Kosovës, Dr.Ibrahim Rugova.
Në bisedën e ngrohtë dhe shumë miqësore ndamë plot kujtime të shtrenjta për angazhimin jetësor të Presidentit Rugova për Kosovën Republikë, në paqe, të lirë, të pavarur e demokratike, me orientim të qartë properëndimor, në bashkëpunim e fqinjësi të mirë në rajon”, shkruan presidenti Meta në faqen e tij ne Facebook.
