Klubi i Lacios është i shqetësuar për portierin e Kombëtares Shqiptare të Futbollit, Thomas Strakoshën, pasi ky i fundit duket se nuk është në gjendje shumë të mirë shëndetësore.
Strakosha ishte duke iu nënshtruar vizitave mjekësore, ndërsa skuadra e bardhekaltërve vazhdonte stërvitjen.
Mediet italiane raportojnë se stafi mjekësor i Lacios kontrolloi bërrylin e 24-vjeçarit shqiptar, të cilin ai e lëndoi në ndeshjen kundër Sampdorias ditën e djeshme, ku ekipi i Strakoshës fitoi me rezultatin 5-1.
Menjëherë pas vizitave, Strakosha i është rikthyer stërvitjes me grupin, duke qenë në gatishmëri të Simone Inzagit. Lacio arriti të shënonte një rekord të ri në ndeshjen kundër Sampdorias, pasi shënoi të 11-ën fitore radhazi./Fjala.al/
