Një gazetar është arrestuar nga policia franceze. Gazetari Taha Bouhafs për pak sa nuk i ka bërë gjëmën presidentit francez, Emanuele Macron, kur francezët po protestojnë ndaj reformave të tij.
Gazetari u arrestua për faktin se ai tregoi vendndodhjen e presidentit Macron, duke vendosur në rrezik edhe jetën e kreut të shtetit francez.
Në një postim në rrjetet sociale, gazetari shkroi se Macron ndodhej në një teatër në Paris, ku më pas u tubuan dhjetëra protestues.
“Ndodhem në tetarin ‘Bouffes du Nord’. Tri radhë pas presidentit të Francës. Disa protestues janë këtu dhe po i ftojnë të gjithë këtu. Përgatitjet janë duke u zhvilluar. Sonte mund të ketë ndonjë ngjarje”, shkroi Bouhafs.
Një grup protestuesish më pas u mblodhën para teatrit pasi u publikuan informacione në mediat sociale se presidenti Macron ishte brenda teatrit Bouffes du Nord në Paris.
Forcat franceze të sigurisë evakuuan presidentin e vendit Emmanuel Macron nga teatri për shkak të tentativës së protestuesve antiqeveritarë për të hyrë brenda.
Plani i shpallur i qeverisë për reformën e pensioneve në Francë ka shkaktuar protesta dhe greva që nga 5 dhjetori i vitit të kaluar./Fjala.al/
