Një kampist në qytetin e Durrësit është dhunuar e më pas i është grabitur çanta në të cilën ai kishte një shumë të konsiderueshme parash.
Ngjarja ka ndodhur pasditen e sotme në lagjen 13, pranë “Rrotës së Kuqe”.
Kambisti me inicialet N.M ka deklaruar se kishte në çantë 275 euro dhe 1.5 milion lekë të vjetra, para të cilat i përdorte për këmbim valutor.
Ende nuk ka informacione për autorët e grabitjes, ndërkohë policia po vijon hetimet për zbardhjen e plotë të rrethanave të ngjarjes./fjala.al/
