Dy persona, një burrë dhe një grua janë plagosur me armë zjarri mbrëmjen e sotme në rrugën ‘Njazi Meka’tek zona e Alliasit.
Ngjarja ka ndodhur, rreth orës 21:45, ndërsa zona është rrethuar nga policia.
Autorët me maska dhe me armë kanë hyrë në vilën e personave të cilët kanë në pronësi edhe një furrë buke në Allias, duke tentuar grabitjen dhe plagosën burrin dhe gruan. Ngjarja ka ndodhur brenda në banesë.
Policia në banesë ka gjetur orendi të rrëzuara ndërkohë kanë filluar shoqërimet e para, 15 persona në komisariatin nr.4.
Dy të plagosurit janë transportuar menjëherë për në spitalin e Traumës ku po marrin ndihmën mjekësore pasi janë në gjendje të rëndë shëndetësore.
“Rreth orës 21:40 në rrugën “Njazi Meka”, në rrethana ende të paqarta janë plagosur me armë zjarri çifti i bashkëshortëve shtetasit P. L dhe A.L, të cilët u dërguan në spital për ndihmë mjekësore”, thuhet në njoftimin e policisë.
