Një ngjarje e rëndë është regjistruar mëngjesin e sotëm në Gjirokastër, ku një 70-vjeçar është hedhur nga ura e ‘Ali Pashës’ dhe ka gjetur vdekjen.
Ngjarja ka ndodhur në lagjen Dunavat. Dhe sipas policisë bëhet me dije se identiteti i viktimës është Servet Koçiu. Burri dyshohet se është vetëhedhur nga një lartësi prej 40 metrash, ndërsa ka ndërruar jetë në vendin e ngjarjes.
Nuk dihen ende motivet që e shtynë viktimën të ndërmerrte aktin ekstrem po policia ka shkuar në familje dhe ka dokumentuar dëshmitë e para.
Sipas të dhënave burri vuante nga probleme depresive, por asnjë e dhënë ende nuk e ka shoqëruar ngjarje.
Familjarët kanë pretenduar se nuk kanë asnjë konflikt me persona të tjerë, ç`ka ka larguar edhe pistën e ndonjë akti të qëllimshëm të kryer nga persona të tjerë. /Fjala.al/
