Gruaja e Agim Kajmakut, pronare e vetme e kompanisë “Kajmaku” shpk, Merita Kajmaku ka fituar në fund të vitit të kaluar një tender me vlerë 50 mln lekë të vjetra (kufiri ishte 57 mln) për mirëmbajtjen e sipërfaqeve të gjelbërta për Qendrën Spitalore Universitare “Nënë Tereza”.
Rasti është i veçantë, sepse ish-kryebashkiaku i Vorës Agim Kajmaku është në kërkim për tre akuza. Në garë ishin katër kompani, njëra është skualifikuar, ndërsa nga tre të tjerat ka fituar firma ‘Kajmaku’.
Tenderi është dhënë nga drejtoria e blerjeve të përqendruara në Ministrinë e Brendshme. Pronari i firmës deri në 17 korrik ka qenë vetë Agim Kajmaku, por pas zgjedhjes në krye të bashkisë së Vorës ia kaloi pronësinë gruas. Agim Kajmaku i cili prej më shumë se dy
muaj ndodhet në arrati rrezikon të dënohet nga gjobë deri në 5 vite burg nga drejtësia shqiptare. Hetimet për Kajmakun janë mbyllur ndërsa ai akuzohet për falsifikim formulari të dekriminalizimit, falsifikim dokumentesh kryer në bashkëpunim si dhe ushtrim kompetencash përtej mandatit. /Fjala.al
