Shqipëria klasifikohet pothuajse çdo vit në raportet ndërkombëtare si një vend me probleme të mëdha lidhur me korrupsionin.
Një nga faktorët kryesorë që prodhon më shumë fenomenin e korrupsionit është edhe keqpërdorimi i pushtetit.
Këtë e evidentoi edhe ambasadorja e re e Mbretërisë së Vendeve të Ulëta, Guusje Korthals Altes. Ajo theksoi se korrupsioni është një sëmundje, ku askush nuk është imun ndaj tij. Kura më e mirë për ta luftuar këtë sëmundje është transparenca.
Ambasadorja e re e Mbretërisë së Vendeve të Ulëta në vendin tonë, Guusje Korthals Altes u shpreh gjatë konferencës për hetimin financiar se në thelb të korrupsionit është keqpërdorimi i pushtetit për përfitime private.
“Nëse korrupsioni është sëmundje, atëherë një pjesë e trajtimit të saj është transparenca. A është korrupsioni një sëmundje dhe pse duhet ta luftojmë? Arsyeja pse korrupsioni quhet sëmundje është sepse askush nuk është imun ndaj tij. Kohët e fundit është treguar se ka shumë vende dhe njerëz që janë të përfshirë në çështje të korrupsionit. Kur flasim për korrupsionin e kemi fjalën keqpërdorimin e pushtetit për përfitime private. Në thelb do të thotë të prishësh, të shkatërrosh” , Guusje Korthals Altes./Fjala.al/
