Policia e Krujës ka vënë në pranga një 24-vjeçar për shkak se akuzohet se nën kërcënimin e dy pistoletave ka vjedhur xhiron ditore të një lokali në këtë qytet.
Gjatë momentit të arrestimit, i riu me iniciale A.K është kapur me dy pistoleta të mbushura me fishekë, ndërsa grabitjen e ka kryer më 19 janar, ku së bashku me një tjetër kanë kërcënuar me armë kamarierin e një lokali në Krujë duke i marrë një shumë prej 20 mijë lekësh. Ndërkohë është shpallur në kërkim edhe bashkautori tjetër i ngjarjes.
Grabitësi si cili jeton në fshatin Kroj Madh të Njësisë Administrative Cudhi, Krujë do të përballet me akuzat për kryerjen e veprave penale “Vjedhja me dhunë”, kryer në bashkëpunim dhe “Mbajtja pa leje e armëve dhe municionit luftarak”. /Fjala.al
