Tregu i punës u bë shumë i fortë në tre muajt e fundit me 200.000 vende të reja, ka raportuar Zyra për Statistikat Kombëtare.
Kjo shifër është sa dyfishi i asaj që ishte parashikuar dhe në tre mujorin e dytë numri u rrit.
Shkalla e punësimit është akoma në nivelin e saj më të lartë që nga fillimi i regjistrave në 1971 – dhe të ardhurat janë në nivelin 3.2 për qind për pagat dhe shpërblimet.
76.3 përqind e popullsisë në moshë pune aktualisht janë në punë, sipas shifrave të publikuara.
Kreu i Zyrës së Statistikave Kombëtare, David Freeman, tha: “Ndërsa rritja e pagave është lehtësuar që nga vera e kaluar, me inflacionin që mbetet i nënvlerësuar, të ardhurat po vazhdojnë të rriten në terma realë”.
Kancelari i “Exchequer”, Sajid Javid, tha: “Një tjetër muaj punësimi rekord, duke bërë një ndryshim të vërtetë në jetën e përditshme të familjeve punëtore.
Deputetët vlerësuan shifrat e fundit përpara daljes së Britanisë nga BE-ja në fund të muajit.
Ekspertët deklaruan se pagat ishin ende në rënie krahasuar me periudhën para krizës financiare që kaloi Britania në vitin 2009.
Nëse merret parasysh inflacioni, paga mesatare është akoma më e ulët nga sa ishte në mars të vitit 2008./Fjala.al/Burimi: The Sun
