Papunësia e grave shton varfërinë/ Edhe kur punojnë paguhen më pak se burrat

113 563 lexime

124,178FansaPëlqeje

Fuqizimi i grave në tregun e punës do të ishte shpëtim për të ulur varfërinë në vend.

Kjo është kërkesa e Bankës Botërore për të rritur ekonominë: më shumë gra të punësuara. Mirëpo pabarazia gjinore haset ende gjithkund dhe hendeku në Shqipëri është 14%. Shkak për të hequr dorë nga puna apo për të punuar pjesërisht, thotë Banka Botërore bëhet edhe sistemi arsimor shqiptar, ku orët e mësimit të fëmijëve zgjasin sa gjysma e orëve të punës.

Enida është një nënë shtëpiake e cila shoqëron çdo ditë vajzën për në shkollë.

“Që ditën që ka lindur e kam lënë punën sepse i jam përkushtuar vajzës. Ajo fillon mësim në 1 pasdite dhe mbaron në 5 të darkës, kush të merr në punë për 4 orë. Kur kam qenë e punësuar në pastiçeri, edhe pse punoja 12 orë me dy turne kishte raste, paguhesha më pak se burri im me 8 orë pune në ndërtim”, tha Enida Muçollari.

Faktor tjetër që kufizon aftësitë e punës te gratë jashtë shtëpisë është edhe kujdesi për familjarët e moshuar. Të dhënat e Bankës Botërore tregojnë se vetëm 2% e të moshuarve marrin shërbim privat, ndërsa pjesa tjetër i kanë sytë nga familjarët.

“Gratë bëjnë punë të papaguara. Mirë do ishte të ketë barazi. Ja nusja ime ka një vit që rri në shtëpi sepse kujdeset”, tha nëna Qefsere.

Në analizën e ekspertëve të punësimit, vihet re ndër vite një përparim i pjesëmarrjes së grave në sipërmarrje, por kjo ndodh kryesisht në qendrat e qyteteve të mëdha; ndaj përpjekjet për barazinë gjinore në punë duhet të shtohen për të sjell zhvillimin edhe në zonat periferike.

“Problem mbeten punët e papaguara në shtëpi, ku gruaja është e angazhuar gjithë ditën. Gjithashtu problem tjetër janë gratë në bujqësi të cilat janë në të njëjtin front me burrat por që të ardhurat I merr burri.

Lexo edhe :  Horoskopi 24 shkurt 2024, çfarë thonë yjet për ju

Kjo nuk shkakton pavarësi financiare te gruaja e si rrjedhojë nuk sjell as zhvillim në shoqërinë shqiptare”, tha eksperti i punësimit, Erald Pashaj./  S.M

Të fundit

Botohet një herë në katër vite çdo datë 29 shkurt, ja cila është gazeta e veçantë

Ekziston një gazetë në botë që botohet 1 herë në 4 vite dhe ajo gjendet në Francë. Gazeta satirike...

Nuk ndalet debati mes dy aktoreve në BBV, Julja përplaset me Eglën: Do dalësh…

Dy aktoret, Julja Ilirjani dhe Egla Ceno, vijojnë të mos kenë një marrëdhënie të afërt në “Big Brother VIP”, madje në të shumtën e...

Samiti/ Ekspertja e ekonomisë: BE përpjekje për ta përfshirë Ballkanin Perëndimor në BE

Në një intervistë televizive, ekspertja e ekonomisë, Teuta Nunaj u shpreh se ka përpjekje të shtuar për ta përfshirë Ballkanin Perëndimor në union. Ajo shti...

A do të vizitoni Kosovën? Ja përgjigja epike e kryeministrit shqiptar të Maqedonisë

Kryeministri i Maqedonisë së Veriut, Talat Xhaferi, tha se nuk ka marrë ftesë ende për ta vizituar Kosovën. I pyetur nga gazetarët pse nuk e...

Çfarë po ndodh? Shkencëtarët ngrenë alarmin, shkurti i këtij viti më i nxehti në histori

Muaji shkurt i këtij viti mund të jetë më i nxehti i regjistruar ndonjëherë në histori, me lulet që kanë lulëzuar më herët në...

Lajme të tjera

Web TV