Kategoria Superiore do të fillojë sot fazën e dytë të sezonit me tre ndeshje. Skuadra e Teutës, Laçit, Partizanit, Vllaznisë, Skënderbeut e Flamurtarit do të luajnë ndeshjet e javës së 18-të. Ndërsa klubi i Tiranës, Bylisit, Luftëtarit dhe Kukësit do e zhvillojnë këtë sfidë ditën e nesërme.
Pjesa e parë sezonit 2019-2020 ishte goxha frytdhënës për klube si Kukësi, Bylisi, si dhe Tiranën nga javët e fundit, por në të njëjtën kohë rezultoi i tmerrshëm për Flamurtarin e Vlorës, por mbi të gjitha dhe për kampionët aktual të Shqipërisë, Partizanin, i cili humbi dhe derbin pas pesë vitesh fitore e barazime.
Në ditën e sotme Partizani do të udhëtojë drejt Korçës, ku do luajnë në orën 17:00 ndeshjen që përpara një viti do të cilësohet si supersfida e javës.
Shkodranët do të presin në stadiumin Loro Boriçi në orën 14:00 djemtë e Vlorës, të cilët ndodhen në vend të fundit me vetëm 6 pikë dhe i duhen shumë fitore për të shpëtuar nga rrëzimi prej Superligës.
Ndërsa laçianët do shkojnë në qytetin e Durrës, ku do sfidojnë Teutën në ndeshjen që mund t’i ringrejë sërish bardhezinjt në orën 17:00.
Dita e nesërme do të startojë me ndeshjen midis Luftëtarit dhe Kukësit në orën 14:00, ku verilindorët do tentojnë të mbajnë të paprekur vendin e parë, ndërsa gjirokastritëve iu duhet kjo fitore për të shpëtuar nga rrëzimi pre kategorisë së elitës së futbollit shqiptar.
Tirana-Bylisi mund të cilësohet si sfida më e rëndësishme e kësaj jave,pasi vendi renditja në vendin e tretë dhe të dytë të Superligës i bën këto skuadra pretendente për çmimin kampion dhe janë një kërcënim i drejtpërdrejtë për Kukësin e vendit të parë./Katerina Tafa/ Fjala.al/
