Aktivisti i Nisma Thurje, Endri Shabani ka reaguar pas vendimit të Ministrisë së Shëndetësisë për të ndryshuar koncesionin e sterilizimit, menjëherë pasi SPAK nisi hetimet.
Shabani akuzon se Qeveria dhe koncesionari janë bashkë në këtë skemë, pasi kompania që bën koncesionin do të kishte reaguar pas vendimit të Ministrisë, gjë që nuk ka ndodhur.
“Ministria e thërret koncesionarin dhe i thotë: “shiko, kemi vendosur të të japim 1.4 milion euro/vit më pak seç kishim rënë dakord”, dhe ai nuk ndihet, nuk proteston, nuk përmend detyrimet kontraktore, dhe nuk kërcënon me gjyq. A nuk është kjo prova e qartë se nuk kemi të bëjmë me dy palë, por me vetëm një? Një palë që pasi është kapur gafil, përpiqet të lëshojë diçka, se e di që e ka trashur zullumin deri aty ku nuk mban më. Fatmirësisht kjo manovër nuk ka për t’i shpëtuar nga përballja me drejtësinë”, shprehet Shabani.
Aktivisti paralajmëron se aksioni i tyre nuk do të ndalet derisa koncesioni të anulohet.
“Sot vendosën të na kursejnë 1.4 milion euro në vit nga taksat tona, por ne nuk do të ndalemi derisa ky koncesion të anulohet. Dhe pas tij çdo koncesion korruptim që po ia merr frymën këtij vendi”, paralajmëron Shabani.
Pas SPAK, ndryshon koncesioni i sterilizimit. Nisma Thurje: Kursyem 1.4 mln euro, por nuk mjafton
