Janë mbyllur dy ndeshjet e fundit të mbrëmjes së sotme të Kategorisë Superiore dhe fituesit e mbrëmjes janë Skënderbeu dhe Laçi. Skuadra e korçarëve ia ka dalë që të marrë fitoren ndaj ekipit të Partizanit, duke kaluar përmbysur rezultatin e “Demave”. Ishin të kuqtë e kryeqytetit ata që shënuan golin e parë në minutën e 6-të të lojës me anë të penalltisë të realizuar na Bruno Telushi.
Loja vazhdoi me këto rezultate deri në minutën e 43-të kur lojtari i Partizanit, Enea Bitri bëri autogol dhe i dha pikë skuadrës kundërshtare. Më pas në vetëm tre minuta loja u përmbys në favor të korçarëve, të cilët arritën që të shënonin me anë të Blerim Krasniqit. Ndërsa në minutën e 83-të të lojës Dejvi Bregu shënoi golin e tretë dhe shkatërrues ndaj ekipit të Partizanit.
Goli i Bregut u pasua nga autogoli i Ditës, duke bërë kështu që në skuadrën e Partizanit të shënohej goli i dytë.
Ndeshja u mbyll me këto rezultate dhe skuadra e trajnerit të rikthyer së fundmi, Adolfo Sormanit nuk mundi ta niste vitin 2020 me fitore, duke zhgënjyer tifozerinë.
Ndërsa takimi Teuta-Laçi nga ana tjetër ka qenë më e qetë dhe është realizuar vetëm një gol. Pjesa e parë e kësaj ndeshje u mbyll me barazim të bardh 0-0 dhe u duk se nuk do të kishte gola. Megjithatë kurbinasit kanë arritur që të shënojnë në minutën e 9-të të fraksionit të dytë duke kaluar në avantazh.
Mbrojtësi Rudolf Turkaj arriti që të shënonte golin e vetëm dhe të fitores së skuadrës së tij, duke u rikthyer me rezultate pozitive në 2020-ën./Fjala.al/Katerina Tafa/
