Dy ditë pas ardhjes në Shqipëri mësohet se 5 ekspertët italianë kanë zhvilluar një takim në Durrës. Në këtë takim kanë marrë pjesë prokurorët e Krujës.
Sipas të dhënave në këtë takim janë analizuar faktet dhe hetimet e deritanishme të pasojave të tërmetit të 26-nëntorit, kryesisht në zonën e Thumanës.
Takimet e ekspertëve italianë do të vijojnë me të gjithë prokurorët që po hetojnë dëmet që la pas tërmeti shkatërrimtar, duke vazhduar më pas me Durrësin, Lezhën dhe Tiranën, ku në fakt të arrestuar pati vetëm në Tiranë që dëmet ishin edhe më të pakta.
Ekipi i ekspertëve italianë përbëhet nga 2 prokurorë, një inxhinier dhe 2 oficerë të policisë gjyqësore. Ata fillimisht patën një takim në Prokurorinë e Përgjithshme me kryeprokurorin Olsian Çela, ndërsa tashmë po njihen në detaje me dosjet e hetimit.
Në qytetin bregdetar janë dy ekipe nga Prokuroria e Durrësit që kanë nisur hetimet në objektet e rrënuara nga tërmeti. Konkretisht hetimi po kryhet në 6 objektet që shkaktuan viktima dhe hetimi tjetër për të paktën 200 objekte që kanë pësuar dëme të mëdha, por nuk që nuk kanë shkaktuar viktima.
Prokuroria ka urdhëruar sekuestron e dosjeve me lejet e ndërtimit, raportet e institutit sizmologjik për këto ndërtime, raportin e kolaudimit nëse është respektuar apo jo leja e dhënë dhe parametrat teknikë për konstruksionin metalik dhe betonit. /Fjala.al/
