Policia e Tiranë, e Durrësit dhe e Dibrës janë në kërkim të një personi që e pretendojnë si autorin e vrasjes së ndodhur në Astir dy netë më parë.
Sipas të dhënave personi me emrin Noel Dishi është i shpallur në kërkim si autor i vrasjes, por çudia më e madhe është se viktima dhe personi i kërkuar janë shokë të ngushtë. Mbrëmë për gjatë gjithë natës është marrë në pyetje familja e Dishës, të cilët banojnë në Sukth të Durrësit. Ata kanë mohuar të kenë dijeni e aq më tepër që djali i tyre të jetë autori i një krimi të tillë.
“Ne e dimë që djali jonë me Vilsonin janë shokë të ngushtë. Ne s`dimë asnjë konflikt mes tyre. Jemi shokuar kur na kanë thënë këtë gjë!”
Ata kanë mohuar që djali i tyre të ketë bërë trafik droge ndonjëherë ndërkohë që kanë dhënë të gjithë informacionet që i duheshin policisë për atë akt. Kështu mbrëmjen e djeshme e deri në mëngjes policia ka mësuar se Vilson Tafçiu dhe Noel (S) Dishi nga Dibra e banues në Sukth janë jo vetëm shokë por edhe kanë qenë bashkë madje në Francë dhe Zvicër.
Policia ka mësuar nga dëshmia e familjarëve të autorit të dyshuar se Vilsonin e njihnin si shok të djalit dhe se shkonte shpesh në shtëpinë e tyre si i tillë. n.k. /Fjala.al/
