Pas mbylljes së kolegjit “Saadi” dhe raportimit nga ana e medias, duke i shtuar dhe faktin se kjo ngjarje mund të kishte lidhje me largimin e diplomatëve iranian si “non grata” nga territori i Shqipërisë, ka reaguar sërish Ministria e Arsimit.
“Shkolla është mbyllur me kërkesë të vetë subjektit që ka themeluar shkollën për arësye reduktimi të të ardhurave të aftësisë paguese, dhe jo për arsye që janë botuar në shumë portale pa bërë as më të voglin verifikim me stafin e MASSH. Zhgënjyese në këtë rast mungesa e interesimit për të raportuar faktet”
Ministria e Arsimit ka mbyllur shkollën “Saadi”, që financohej nga Irani dhe që ushtronte aktivitetin e saj prej disa vitesh në Tiranë. Vendimi, mban firmën e ministres së Arsimit, Besa Shahini.
Sipas shkesës së firmosur nga Shahini, MAS detyron institucionin:
-Të kthejë pagesat e kryera nga nxënësit për pjesën e papërfunduar të shkollimit dhe çdo detyrim tjetër të papërmbushur që mund të ketë ndaj tyre
-Të pajisë çdo nxënës me dokumentacionin e nevojshëm shkollorë që do të shërbejë për transferimin e tij në një institucion tjetër të arsimit parauniversitar.
-Të vërë në dispozicion të zyrës vendore të arsimit parauniversitar, Tiranë, çdo informacion të kërkuar deri në plotësimin dhe mbylljen e të gjitha kërkesave të parashikuara në këtë urdhër.
-Të mbulojë të gjithë shpenzimet për kryerjen e procedurave për transferimin e nxënësve në zbatim të këtij urdhri
-Të dorëzojë në zyrën vendore të arsimit parauniversitar Tiranë të gjithë dokumentacionin lidhur me veprimtarinë e kryer.
-Një grup pune renda tre ditësh do të marrë masa për mbylljen e këtij institucioni si dhe transferimin e nxënësve në institucione të tjera. Gjithashtu ky grup duhet të administrojë të gjithë dokumentacionin.
