Ka shumë fluks pune në SPAK e për pasojë kërkohet të shtohet numri i prokurorëve. Sigurisht që duke patur parasysh thuajse paralizimin e punës së prokurorisë, shtimi i dosjeve do të ishte edhe i pashmangshëm.
Kështu mësohet se Këshilli i Lartë i Prokurorisë ditën e hënë pritet të shqyrtojë kërkesën e kreut të SPAK-ut, Arben Kraja për shtimin e 2 prokurorëve të tjerë për shkak të fluksit të punës.
Burime nga KLP-ja bëjnë me dije se shkak i vakancave është bërë mungesa e prokurorëve me ‘Vetting’ të kaluar në të dyja shkallët. SPAK-u nga 15 prokurorë që ka caktuar KLP, që duhet të ketë, ka vetëm 8 të emëruar dhe 2 të komanduar.
Sipas KLP-së “vonesat për emërimin e prokurorëve të SPAK-u nuk janë nga ne”. Në 26 dhjetor, Dritan Prençi dhe Vladimir Mara ishin 2 prokurorët e komanduar që iu shtuan 8 të tjerëve që u emëruan. n.k/Fjala.al/
