Futbollisti më i shkurtër që aktivizohet në skuadra profesionale, Alvaro Romero, ka bërë publike dëshirën e tij, e cila shumë personave i është dukur paksa e çuditshme.
Lojtari vetëm 147 centimetra i ekipit spanjoll të Unionistas De Salamanka, ka shënuar gol ndaj Real Madrid mbrëmjen e djeshme në takimin për Kupën e Mbretit.
Romero e mori topin në mesfushë dhe arriti të realizonte një gol shumë të bukur duke bërë driblime fantastike. Megjithatë, më shumë sesa goli ndjekësit i ka habitur deklarata e 23-vjeçarit, i cila në një intervistë pas takimit ka kërkuar punë si gazetar.
“Lojtarët e Real Madridit janë sjellë si profesionistë të vërtetë gjatë ndeshjes. Unë jam gazetar, kështu që nëse ka ndonjë gazetë që dëshiron që të më punësojë, atëherë unë jam i disponueshëm”,- deklarata e të bën të kuptosh se lojtari nuk shpreson shumë nga futbolli dhe kërkon të fokusohet te profesioni i tij tjetër që është gazetaria./Fjala.al/
Golos que marcam a vida de um jogador, Alvaro Romero Morillo prova mais uma vez que os jogadores não se medem aos palmos, 1.47 m de jogador a fazer talvez o golo da sua vida. Golo não, golaço. Salamanca a viver uma bela noite de Futebol, a fazer lembrar velhos tempos. pic.twitter.com/X0zjWsnC1z
— Gonçalo Santos (@NunoElfuser) January 22, 2020
