Është vetëdorëzuar në polici Noel Dishi, 29 vjeç, i cili akuzohet për vrasjen e Vilson Tafçiut, në zonën e Astirit në kryeqytet. Ngjarja ndodhi më 20 janar, ndërsa Dishi u shpall në kërkim nga policia një ditë më pas.
Shkaqet që e çuan 29 vjeçarin drejt aktit të rëndë mbeten ende të paqarta, ndërkohë që me viktimën kishte patur më parë lidhje miqësie. Policia ka mësuar nga dëshmia e familjarëve të autorit të dyshuar se Vilsonin e njihnin si shok të djalit dhe se shkonte shpesh në shtëpinë e tyre si i tillë.
Ai është vetëdorëzuar pas negociatave që autoritetet kanë zhvilluar me familjarët e tij.
Sa i përket viktimës, Vilsoni përdorte dy mbiemra, Tafçiu dhe Noka. Ai u deportua në vitin 2018 nga Franca për trafik droge./Fjala.al
Njoftimi i policisë
Strukturat e Drejtorisë Vendore të Policisë Tiranë, në vijim të veprimeve për kapjen e autorit të vrasjes së shtetasit V. T, ngjarje e ndodhur në orët e mbrëmjes së datës 20 janar 2020, në Astir, ka ushtruar kontrolle të pandërprera.
Si rezultat i trysnisë së ushtruar nga ana e Policisë duke kryer kontrolleve të shtuara e të pandërprera në dhjetëra objekte, banesa, hotele, dhe godina të braktisura, informacioneve të grumbulluara dhe si rezultat i bashkëpunimit me familjarët para pak minutash u dorëzua në DVP Tiranë autori i dyshuar i ngjarjes, shtetasi N. D., alias N. K., alias M.P., 29 vjeç.
Ky shtetas dyshohet se si pasojë e një konflikti të çastit ka vrarë shtetasin V. T.
Në bashkëpunim me prokurorinë, vijon puna për dokumentimin e plotë të kësaj ngjarjeve.
