Gjykata e Sarandës ka marrë vendimin për të lënë në burg Elisabeta Mitën, 41 vjeç, e cila u regjistrua duke dhunuar vajzën e saj, 13 vjeçe, në mënyrë barbare. Audio u regjistrua nga bashkëjetuesi i Elisabetës, Arjan Mekollari, me të cilin ka edhe një djalë 5 vjeç.
Gruaja ka mohuar vërtetësinë e audio-regjistrimit, duke akuzuar bashkëjetuesin e saj se e ka manipuluar, për shkak se ka mbaruar studimet për regjisurë.
“Momenti që unë jam konfliktuar me vajzën time nuk është siç paraqitet në televizor, kam dyshime se është manipuluar kjo video dhe kërkoj të bëhet ekspertimi i saj se ish-bashkëshorti im ka mbaruar për aktrim dhe regjisurë dhe di të përdori mënyrat për të bërë manipulime. Mendoj se qëllimi i ish-bashkëshortit tim ka qenë që ai të marri kujdestarinë e djalit dhe të vajzës time, me qëllim që të përfitojë bonuset dhe banesën që unë marr nga Bashkia Sarandë. Sa e dua unë vajzën time këtë e di unë dhe zoti në qiell, por rrethanat e mia ekonomike sociale dhe ngatërresa me një njeri si ish-bashkëjetuesi im më ka bërë sikur unë jam përbindësh”, është shprehur ajo.
Madje, Elisabeta ka hedhur dyshime mbi Arjanin se i ngacmonte vajzën dhe për këtë ka treguar një episod.
“Koha nuk më kujtohet, por kam shkuar në shtëpi kam gjetur vajzën dhe ish-bashkëjetuesin në divan të mbuluar me të njëjtën batanije dhe sa hyj unë brenda u larguan nga njëri-tjetri. I kam thënë vajzës së çfarë kërkon aty, ajo më k a thënë se kisha ftohtë nga këmbët dhe ajo më tha që “ti futja këmbët te këmbët e babit (në mes)”. Shumë herë të tjera e afronte vajzën shumë afër duke i kërkuar t’i tregonte programe nga telefoni, por ishin kaq afër sa të jepte përshtypjen se ai e ngacmonte ose e prekte, ose prekej me të shumë afër dhe në mënyrë intime, gjë që më krijonte shqetësim dhe dyshim se mos më ngacmonte vajzën. Ai e afronte gjithmonë vajzën në mënyrë provokative duke i premtuar se do ti blinte gjëra të ndryshme me qëllim që vajza të afrohej me të dhe të mbante ftohtësi me mua ngaqë unë i kërkoja llogari që vajza të mos përdorte telefon me kamera sepse ishte akoma e vogël dhe nuk doja që të ngatërrohej me gjëra që nuk i takonin për moshën”, është shprehur Elisabeta.
