Presidenti i Ligës Profesioniste, Edvin Libohova së bashku me disa drejtues të klubeve të Superiores kanë zhvilluar ditën e sotme një mbledhje në ambientet e stadiumit “Air Albania”.
Në këtë mbledhje ka munguar gjysma e skuadrave të elitës, ku bëhet me dije se kanë marrë pjesë vetëm Laçi, Teuta, Skënderbeu, Luftëtari dhe Tirana.
Ne qendër të diskutimeve kanë qenë kërkesat e klubeve raporton panorama sport. Më tej bëhet me dije se Libohova do të ketë një takim me vetë Kryeministrin Edi Rama, ku do i përcjellë shqetësimin e personazheve të futbollit sa i përket ligjit që lidhet me këtë sport.
Më tej, është rënë dakord se nëse nuk do të merren parasysh kërkesat e klubeve nga qeveria, Liga më e madhe e futbollit në vend do mblidhet sërish dhe do marrë masa ekstreme deri në bojkotim të kampionatit.
Kjo gjë u konfirmuan pas mbledhjes edhe drejtori i Teutës, Artan Shytaj si dhe nga presidenti i Laçit, Pashk Laska. Vetë drejtuesi i Ligës, Libohova ka besim se këtë herë kërkesat që ka komuniteti i futbollit do të plotësohen./Fjala.al/
