Kryeministri Edi Rama sot ka publikuar një postim ku shprehet se vijon puna në kantieret e Paktit për Universitetin.
Së shpejti, thotë Rama do të fillojë edhe gara për Kampusin e Madh të Universitetit të Tiranës.
“Mirëmëngjesi nga puna që vijon në kantieret e Paktit për Universitetin, sot Ju uroj një ditë të mbarë me konviktin e vajzave të Universitetit “Ismail Qemali” në Vlorë, teksa së shpejti starton gara për Kampusin e Madh të Universitetit të Tiranës” shkruan Rama në postim që e shoqëron me videon.
Reagimi i kryeministrit erdhi vetëm dy vetëm dy ditë pas një proteste të studentëve që u zhvillua para Korpusit qendror. Për këtë proteste u tha se u organizua nga FRPD dhe për këtë shkak nuk u përkrah nga studentët.
Gazeta Fjala dërgoi gazetarët e saj për të ndjekur më nga afër këtë protestë.
Para dy ditësh në 22 janar, një vit nga protesta e dhjetorit të kaluar që u mbyll pas miratimit të Paktit për Universitetin disa nga studentët u shprehën se kushtet në konvikte vijojnë që të jenë të njëjtat, sipas tyre mizerabël, Karta e Studentit nuk është adresuar te nevojat që kanë, por për luks, ndërkohë që pakënaqësi shprehën edhe për tarifën e shkollës, bursën, bibliotekën dixhitale. /Fjala.al
