Gazetari Sokol Bregu, duke komentuar videon e kokainës ku pretendohet se shfaqet kryebashkiaku i Bulqizës, Lefter Alla, tha se nuk ka përgjegjësi kryeministri, as si kryetar i Partisë Socialiste, pasi kjo detyrë është e sekretarit organizativ të partisë, i cili kontrollon të gjitha kandidaturat.
“Zoti Taulant Balla nuk ka detyra të tjera përveçse të kontrollojë…Nëse ka një njeri që duhet t’i njohë njerëzit është Balla. Ky shkon në çdo degë dhe merr tre propozimet për çdo bashki, dhe ky del përshëndet SPAK për nisjen e hetimeve. Rama nuk mund t’i njohë personalisht të 61 kandidatët. Në teknalitetin se si është krijuar partia, njeriu organizativ ka në dorë kontrollin. Rama rri jashtë ngjarjes, ky del bën reagim. Nëse bie dhe ky kryebashkiak, i gjashti, ku është kjo parti? Nuk ka struktura fare”, tha Bregu në emisionin “Pa Protokoll” në Report Tv.
SPAK ka nisur hetimet për një video të publikuar ku pretendohet se shfaqet kryebashkiaku Alla duke konsumuar kokainë. Kryebashkiaku mohon vërtetësinë e videos, ndërkohë që drejtuesit e PS presin përgjigjen e autoriteteve për të vendosur se çfarë do të bëjnë me njeriun e tyre.
