Roma dhe Lazio do të luajnë sot derbin lokal në ndeshjen për javën e 21-të të Serisë A. Në orën 18:00 do të startojë në stadiumin “Olimpico” sfida midis vendit të tretë dhe atij të katërt të kategorisë më të madhe të futbollit italian.
“Giallorossët” do luajnë në këtë ndeshje pa emra si Nicolo Zaniolo, Davide Zappacosta dhe Amadou Diawara që janë të lënduar. Ndërsa, Lazio nuk mund të llogarisë vetëm Danilo Cataldin që po ashtu është i dëmtuar.
Ndërkohë, rikujtojmë se në ndeshjet e javës së 20-të Roma fitoi me rezultatin 1-3 ndaj ekipit të Genoas, ndërsa Lazio me diferencën e madhe 5-1 nda Sampdorias.
Formacionet zyrtare:
Roma: Pau Lopez; Santon, Mancini, Smalling, Spinazzola; Cristante, Veretout; Under, Pellegrini, Kluivert; Dzeko
Lazio: Strakosha; Luiz Felipe, Acerbi, Radu; Lazzari, Milinkovic-Savic, Leiva, Luis Alberto, Lulic; Correa; Immobile./Fjala.al/
