Për të dytën ditë radhazi, në kryeqytetin e Irakut kanë ndodhur demonstrata të fuqishme kundër qeverisë të cilat janë përshkallëzuar në përleshje. Ditën e sotme si pasojë e përplasjeve 17 persona janë plagosur sot dhe 4 persona humbën jetën dje.
Forcat e sigurisë qëlluan mbi turmën e protestuesve për të shpërndarë tubimet afër Sheshit Tahrir. Të paktën 17 protestues u plagosën, ku 6 prej tyre u qëlluan me armë zjarri. Protestuesit hodhën gurë dhe Molotov mbi policinë në një marshim studentor në Sheshin Tahrir i organizuar nga kampusi universitar në Bagdad.
Në Nassiriya, forcat e sigurisë qëlluan për të shpërndarë demonstruesit, duke lënë të paktën 50 të plagosur nga të shtënat me armë.
Në Basra, qindra studentë protestuan kundër çmontimit të kampit të tyre nga forcat anti-kryengritëse një ditë më parë. Në qytetin e shenjtë të Najafit, studentët bllokuan rrugën për në aeroport./Fjala.al
