Ministri i Shëndetësisë i Kinës, Ma Xiaowei ka dhënë një lajm të keq për sa i përket virusit vdekjeprurës coronavirus. Në një komunikatë për mediat ai është shprehur se njerëzit mund ta përhapin virusin, përpara se të shfaqnin simptoma.
Një doktor në SHBA është shprehur se lajmi për përhapjen e virusit krijon një situatë alarmante.
“Kur e dëgjova këtë, mendova, oh Zot, kjo është më keq sesa e parashikuam. Do të thotë që infeksioni është shumë më ngjitës sesa menduam fillimisht”, -tha Dr. William Schaffner, këshilltar në Qendrat për Kontrollin dhe Parandalimin e Sëmundjeve.
Sëmundja është përhapur në Francë, Kanada, SHBA dhe dyshohet për një rast në Austri. Ky virus ka vrarë deri më tani 56 persona dhe është shfaqur në qytetin qendror të Wuhan, duke detyruar qeverinë të izolojë shumë qytete me një popullsi prej afërsisht 60 milionë njerëz./Fjala.al
