Mbrëmjen e djeshme janë arrestuar dy persona në qytetin e Korçës, njëri për vjedhje dhe tjetri për plagosje të dy persona.
Sipas të dhënave nga policia, 66-vjeçari Kastriot Hoxhalli ka plagosur me thikë shtetasin me inicialet G. Ç., 25 vjeç, banues në Vloçisht, Maliq, si edhe shtetasin S. Xh., 30 vjeç, banues në Korçë. Plagosja u bë për motive të dobëta.
Të plagosurit aktualisht ndodhen në Spitalin e Korçës, nën kujdesin e mjekëve.
Ndërkohë, një 21-vjeçar me inicialet A. T, banues gjithashtu në Korçë, është vënë në pranga pasi dyshohet se ka vjedhur pajisje dhe orendi shtëpiake në dy banesa.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
Njoftimi i policisë:
Korçë
Policia arreston në flagrancë 2 shtetas për veprat penale “Plagosja e rëndë me dashje” dhe “Vjedhja”.
Nga specialistët për Hetimin e Krimeve në Komisariatin e Policisë Korçë, u bë arrestimi në flagrancë i shtetasve:
- H., 66 vjeç, banues në fshatin Vashtmi, Maliq.
Arrestimi i tij u bë pasi, mbrëmjen e djeshme në lagjen nr. 9, Korçë, gjatë një konflikti për motive të dobëta, ky shtetas dyshohet se ka plagosur me mjet prerës shtetasin G. Ç., 25 vjeç, banues në Vloçisht, Maliq, si edhe shtetasin S. Xh., 30 vjeç, banues në Korçë, të cilët aktualisht ndodhen në Spitalin e Korçës, nën kujdesin e mjekëve.
- T., 21 vjeç, banues në Korçë.
Arrestimi i tij u bë pasi, ky shtetas në datat 24.01.2020 dhe 25.01.2020, në lagjen nr. 1 dhe nr. 10, të qytetit të Korçës, dyshohet se ka vjedhur në banesat e shtetasve A. P., dhe R. M., pajisje elektro-shtëpiake dhe disa orendi të ndryshme.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
