Skuadra e Tiranës ka zhbllokuar rezultatin duke shënuar dy gola në një diferencë prej vetëm tre minutash. Sfida midis bardhebluve të kryeqytetit dhe skuadrës së Luftëtarit ndodhet tashmë në rezultatet 3-0.
Ishte Winful Cobbinah ai i cili zhbllokoi rezultatin në minutën e 14-të të lojës, duke shënuar golin e parë për Tiranën. Më pas do të ishte Idriz Batha ai i cili në një diferencë prej vetëm 3 minutash dyfishoi rezultatet për kryeqytetasit.
Ndërsa goli i tretë u shënua nga Michael Ngoo në minutën e 35-të të lojës, duke i shkatërruar totalisht kundërshtarët e tyre.
Ky takim është i vlefshëm për javën e 19-të të Kategorisë Superiore, duke pasur rol jetësor për të dyja këto skuadra.
Kryeqytetasit e drejtuar nga Emmanuel Egbo do kërkojnë fitoren e pestë radhazi në mënyrë që të kalojnë në vend të parë, megjithatë duhet theksuar se për ta arrirë atë bardhebluve u duhet edhe humbja e skuadrës së Kukësit.
Ndërsa, Luftëtari i vendit të parafundit duhet të marrë disa fitore të njëpasnjëshme në mënyrë që t’i shpëtojë rrëzimit nga kategoria. Rikujtojmë se takimi i javës së 18-të me Kukësin pati një sërë akuzash, pasi sipas skuadrës së Gjirokastrës atyre iu anulua një gol dhe iu mohua një penallti.
Ndërkohë, trajnerët kanë vendosur edhe formacionet më të cilët do të luajnë në këtë përballje
Formacionet Zyrtare:
TIRANA: Lika, Doka, Osmani, Muça, Hoxhallari, Batha, Celhaka, Kobina, Kale, Muçi, Ngo. Trajner: Emanuel Egbo
LUFTËTARI: Qyrani, Dragashi, , Isufi, Kukaj, Demo, Dushkaj, Açka, Qato, Lika, Çela, Oshafi. Trajner: Nikolin Çoçlli/Fjala.al/Katerina Tafa/
