Gjykata e Tiranës ka pushuar çështjen ndaj Arben Çukos, ish-drejtor i Përgjithshëm i Burgjeve. Akuza ndaj Çukos u pushua nga gjyqtari Sokol Toma me argumentin se nuk është paraqitur asnjë provë nga Prokuroria që mund të lidhë ish-drejtorin me korrupsionin në burgje.
Arben Çuko u arrestua në tetor të 2018-ës në operacionin “Volvo-4”, së bashku me anëtarë të bandës Avdylaj. Ai akuzohej se kishte ndërhyrë në punësimin jashtë ligjit të personave të caktuar dhe ndikonte në transferimin e të burgosurve.
Ish-deputeti socialist i mohoi vazhdimisht akuzat deri sot kur çështja ndaj tij u pushua.
