Në kuadër të turizmit kulturor Ministria e Kulturës ka filluar restaurimin e “Çezmës me Kupolë” në fshatin Selckë, të Gjirokastrës. Çezma me Kupolë është një monument unik pasi ajo daton që në vitin 1822.
Gjithashtu, topologjia dhe teknika e realizimit të saj janë nga më të veçantat. Çezma ka një volum kubik transparent me tre qemerë anësorë dhe mbulohet me një kupolë sferike guri.
Nga ana tjetër, Çezma është punuar me gurë gëlqerorë të gdhendur. Ndërsa në brendësi të saj gjendet një koritë në të cilën derdhet ujë nga tri çezma.
Ajo që e bën edhe më të veçantë restaurimin e këtij monumenti lidhet edhe me vetë ministren e Kulturës, Elva Margariti e cila është me origjinë nga fshati Selckë i Gjirokastrës, e cila mundësoi edhe nismën për restaurimi e këtij monumenti unik.
Nisma për të restauruar këtë objekt të veçantë kulturor, filloi pasi më parë ishte evidentuar problematikat që rridhnin mbi nevojën e ndërhyrjes nga ministria dhe drejtoria Rajonale e Trashëgimisë Kulturore, Gjirokastër. /Fjala.al/
