Mark Rutte, kryeministër i Holandës, ka kërkuar falje në emër të Qeverisë së vendit për dështimin në mbrojtjen e hebrenjve gjatë Luftës së Dytë Botërore. Është hera e parë që një kryeministër holandez kërkon ndjesë për Holokaustin.
Rreth 102 mijë hebrenj të Holandës u vranë gjatë Holokaustit nga 6 milionë që ishte numri i përgjithshëm.
“Me të mbijetuarit e fundit përkrah nesh, unë kërkojë falje në emër të Qeverisë për veprimet e Qeverisë në atë kohë. Bej këtë duke kuptuar se nuk ka asnjë fjalë për të përshkruar diçka aq të tmerrshme dhe të shpifur sa Holokausti”, tha Rutte në ceremoninë e 75 vjetorit të çlirimit të kampit të Aushvicit.
Qeveria holandeze ka kërkuar në të kaluarën falje për mënyrën se si të mbijetuarit u trajtuan pas rikthimit nga kampet naziste, por BBC thekson se, Rutte është i pari kryeministër që pranon rolin e vendit të tij në persekutimin e hebrenjve dhe minoriteteve të tjera gjatë pushtimit nazist.
