Të gjithë shqiptarët që jetojnë dhe punojnë në Gjermani të mos shqetësohen nëse nuk kanë akoma një patentë gjermane.
Njohja e patentave shqiptare në Gjermani do të bëhet shumë shpejt, lajmin e konfirmon vetë kryeministri Edi Rama.
Sipas shefit të qeverisë, në muajin shkurt një ekip nga ministria e Transportit të Gjermanisë do të vijë në Tiranë ku do të bëhet edhe një raport për këtë çështje.
Kryeministri u shpreh besimplotë se ky problem do të marrë zgjidhje shumë shpejt. Deri tani kemi marrëveshje me Greqinë dhe Italinë për njohjen e patentave, por shqiptarët kanë hasur probleme në konvertimin e tyre.
Duke qenë se shumë miq këtu në këtë faqe më kërkuan të ngre me kancelaren çështjen e njohjes së patentave të drejtimit të automjeteve në Gjermani dua t’ju jap lajmin e mirë se në shkurt vjen një ekip i Ministrisë së Transporteve të Gjermanisë për të bërë një raport për Berlinin zyrtar lidhur me këtë kërkesë. Kjo është një kërkesë e kahershme dhe Shqipëria e ka bërë prej kohësh. Duke qenë se në Berlin mikun e kemi më të fortë se kurrë unë kam besim se këtij halli të shqiptarëve në Gjermani po i vjen fundit. /Fjala.al
